Herbalife: Oziq-ovqat chiqindilari hajmini kamaytirish va sayyoraga yordam berishning 5 ta usuli

08.06.2023

Herbalife: Oziq-ovqat chiqindilari hajmini kamaytirish va sayyoraga yordam berishning 5 ta usuli

5-iyun Butunjahon atrof-muhitni muhofaza qilish kuni. Shu kun arafasida Herbalife ovqatlanish bo’yicha mutaxassisi Gulbaxor Ishanxodjayeva ongli iste’mol haqida gapirdi va ushbu amaliyotni kundalik hayotga tatbiq etish bo’yicha maslahatlar bilan o’rtoqlashdi.

BMT tadqiqotlariga ko’ra, dunyoda oziq-ovqatning taxminan 30% tashlab yuboriladi. Buning sababi shundaki, insonlar iste’mol qilishlari mumkin bo’lganidan ko’ra ko’p narsani sotib olishadi yoki tovarlarning yaroqlilik muddati xaridorga yetib bormasidanoq do’konda tugaydi. Natijada, sayyorada oziq-ovqat chiqindilari chiqaradigan issiqxona gazlarining ulushi taxminan 10% ni tashkil qiladi. 2023-yilda Global Food Waste ma’lumotlariga ko’ra, agar oziq-ovqat chiqindilari mamlakat bo’lganida, u issiqxona gazlari chiqarilishi bo’yicha dunyoda Xitoy va AQShdan keyin uchinchi o’rinda turgan bo’lardi.

5-iyun kuni butun dunyo nishonlayotgan atrof-muhitni muhofaza qilish kunida Herbalife kompaniyasining ovqatlanish bo’yicha mutaxassisi Gulbaxor Ishanxodjayeva ongli ravishda iste’mol qilish nima ekanligini aytib berdi va sizning ratsioningizni yanada ekologikroq qilish uchun beshta oddiy maslahat berdi.

Ongli iste’mol - bu iste’molchi sotib olgan narsasiga va qancha miqdorda ekanligiga javobgarlikni o’z zimmasiga olishidir. Mahsulot qanday ishlab chiqarilganligini, yaroqlilik muddati qancha bo’lishini va utilizatsiya qilinganidan keyin u bilan nima bo’lishini hisobga olish kerak. US Environmental Protection Agency tadqiqotlariga ko’ra, har bir kishi kuniga taxminan 1 kg maishiy axlat ishlab chiqaradi va uning katta qismini oziq-ovqat chiqindilari tashkil qiladi. Shuning uchun quyidagi maslahatlar aynan shulardan boshlanadi.

Oldindan rejalashtirish

Do’konga borishdan oldin mahsulotlar ro’yxatini tuzishni odat qilish kerak — bu qadam ortiqcha xarajatlarni oldini olishga va keraksiz tovarlarni sotib olishdan qochishga yordam beradi. Bu hafta uchun oilaviy menyumi yoki do’stlaringiz bilan uchrashuvlar uchun bayramona stolmi, muhim emas, oldindan rejalashtirish orqali siz tayyorlanadigan barcha taomlar yeyilishini nazorat qilishingiz mumkin.

Ekologik mahsulotlarga ustunlik berish

Carbon Brief ma’lumotlariga ko’ra, go’sht va sut mahsulotlari ishlab chiqarish global issiqxona gazlari chiqindilarining taxminan 14,5 foizini tashkil qiladi. Shuning uchun hayvon oqsillarining ozgina qismini o’simlik oqsillariga almashtirish ham atrof-muhitga uzoq muddatli ijobiy ta’sir ko’rsatishi mumkin.

Misol uchun, soya tarkibida inson organizmi o’z-o’zidan ishlab chiqara olmaydigan to’qqizta muhim aminokislotalar mavjud, shuningdek, mol go’shti, tuxum yoki sutga qaraganda birlik maydoniga ko’proq oqsil ishlab chiqaradi. Bundan tashqari, bu ekin ishlab chiqarishda ekologikroqdir, chunki u hayvondan kelib chiqadiganiga qaraganda kamroq suv iste’mol qiladi va kamroq uglerod chiqaradi.

Taomlarni portsiyalarga bo’lib dasturxonga tortish

Taomlarni bitta katta idishda tortgandan ko’ra, darhol portsiyalarga bo’lganingiz ma’qul. Stolda o’tirganlar o’zlari uchun ovqat solishganda, ko’pincha ular yeyishi mumkin bo’lganidan ko’proq narsani likopchalariga solishadi. Va qolgan barcha ovqatlar muqarrar ravishda axlat chelakka tushadi.

Tashqi ko’rinish - bu yaroqlilik muddati emas

Mahsulotlar biroz so’lg’in ko’rinishni boshlagan bo’lsa ham, ular ovqat uchun ishlatilishi mumkin. Masalan, yumshab qolgan pomidorlardan sous tayyorlash mumkin, yumshab qolgan bananlardan smuzi tayyorlash va ezilgan sabzavotlardan sho’rva yoki ragu tayyorlash mumkin.

Funksional mahsulotlarga e’tibor qaratish

Funktsional mahsulotlar - bu vitaminlar, minerallar va oqsillar kabi ozuqa moddalarining yuqori konsentratsiyasiga ega oziq-ovqat mahsulotlaridir. Qoida tariqasida, ular o’simlik tarkibiy qismlariga asoslangan, ya’ni ulardan foydalanish nafaqat sizning salomatligingizni qo’llab-quvvatlaydi, balki atrof-muhitga salbiy ta’sirni kamaytiradi.

Masalan, Herbalifening "Formula 1" proteinli kokteyli nonushta yoki kechki ovqatni to’laqonli almashtirishi mumkin, bu ayniqsa taom tayyorlash uchun vaqt bo’lmaganda mos keladi. Ichimlikning asosini yuqori sifatli soya oqsili tashkil etadi, unga qo’shimcha ravishda ozuqaviy tolalar va yigirmadan ortiq muhim vitamin va minerallar, shu jumladan B6, B12, D va C vitaminlari mavjud.

Oziq-ovqat chiqindilari hajmini kamaytirish - insonning atrof-muhitga zararli ta’sirini kamaytirish yo’lidagi muhim qadamdir. Ammo siz bir qadam oldinga qadam qo’yishingiz mumkin. Ongli iste’mol qilish yo’lini tanlagan odam uchun foydali bo’lgan yana bir nechta layfxaklar:

Bir martali ishlatiladigan qadoqlar - plastik qutilar, paketlar, qog’oz stakanchalar va ichimlik naychalaridan voz kechish. Ekologik toza materialdan tayyorlangan ko’p marta ishlatiladigan xaridalar-xaltasini va qahva uchun o’zingiz bilan olib yuriladigan chiroyli tubusni sotib olish yaxshiroqdir.
Tortiladigan oziq-ovqat mahsulotlarini o’z idishlarida sotib olishni afzal ko’rish. "Nolinchi qadoq bilan" do’konlar global trenddir va ularning soni kundan-kunga ko’payib bormoqda.
O’z hududingizda alohida axlat yig’ish punktlarini topish, uyingiz yonida esa plastik, qog’oz, shisha, batareykalar va alohida topshirmoqchi bo’lgan boshqa materiallar uchun konteynerlarni joylashtirish.